ازاي نقدر نعيش فترة الخطوبة و نجعلها فترة سعيدة و الأهل يحاولوا يتعرفوا على بعض
تعتبر فترة الخطوبة فترة هامة جدا فى حياة كل اثنيين و فى نفس الوقت هى فترة صعبة
و نقدر نطلق عليها هى فترة السهل الممتنع
يعنى ايه الكلام ده يعنى البنت بتكون لسه مش عارفه حماتها أو أسلوب حياتها
و أيضا بتكون مش عارفه طباعها
و الشاب نفس الكلام بيحاول أن يتكلم مع عائلة البنت و يتعرف عليها
هو مش من الصعب أن الأنسان يتعرف على انسان
و لكن الصعب انك تفهم طباعه و أسلوب حياته
و تعرف بيحب ايه أو بيكره ايه و بالتالى عشان نعيش مبسوطين لازم نفهم الشخصية اللى بنتعامل معها و بنتكلم معها
لأن كل انسان له طبع مختلف و ذوق مختلف
يجب أن يكون الطرفين متفاهمين بمعنى أن يفهم كلا منهما الآخر
بالنسبة للفتاة
لابد أن تظهر احترامها لزوج المستقبل و تتناقش معه فى أى مشكلة تواجهها و يحاولوا أن يجدوا حل
لابد ان لا تسمح لأى طرف يتدخل بينهم فى حل المشاكل التى تواجههم
يجب أن لا تحكى لوالدتها كل شىء حيث أن فى أشياء ممكن أ ن تحكى و أشياء لا تحكى
لابد أن تهتم بحماتها و تسأل عليها و تحاول تحببها فيها حتى لو حاسة انى حماتها لسة مش بتحبها أو فى غيرة او معاملة سيئة
تحاول تتحمل و تحاول تحل المشكلة من غير الشكاوى باستمرار و النكد و الزعل
تحاول أن تجذبها لها و هناك العديد من الطر ق تحاول الفتاة تشوف حماتها بتحب ايه و تتكلم معاها فى تلك المواضيع
تفاجىء حماتها بهدايا جميلة أو تعمل اكله حلوه و تأخد رأيها فيها و مع الوقت ها تكتسب حب حماتها
و دائما و ابدا حاولى أن تعاملى حماتك كأنها أمك عشان هيا أم حبيبك و شريك عمرك
بالنسبة للشاب
لابد أن يحترم خطيبته و يشعرها بحبه و حنانه و خوفه عليها
لابد أن يحترم شعورها و لا يجرح شعورها امام أحد حتى لو عملت تصرف خطأ
لابد أن تغض بصرك لأنها صفة هامة جدا لأن الرجل كما يطلب من المرأة أن تصون بيته و تقدره و تحترمه يجب هو كمان يحافظ على شعورها و يصونها
واوعى فى يوم من الأيام تخونها لأن الخيانة أصعب شىء فى الحياة
ابتعد عن المجاملات اوعى فى يوم من الأيام تجاملها لو فى شىء مش عاجبك فى خطيبتك اردها و انصحها
حاول أن ترشدها و تحكى معها فى الأطعمة التى تفضلها و تحبها و الأطعمة التى لا تحبها
حاول أن تتعرف على أسرتها و أصدقائها
حاول أن تفهم دماغها و هى أيضا تتفاهم معك و تتبادلو المشاعر و الحب بينكما
ربنا يسعد الجميع
و خطوبة سعيدة مليئة بالحب و المشاعر الدافئة
ليست هناك تعليقات:
إرسال تعليق